Hillestad ligg i naturskjønne omgivnader, langsmed den freda Tovdalselva og med fjell på begge sider som strekker seg opp mot 860 m.o.h. Frå hyttene er det ein liten spasertur opp til galleriet. Frå galleriet kan ein ta turen opp til Lindeknuten som er høgaste fjelltoppen i området. Du kan ta turen til beverparken, forbi fleire beverhus og vidare den nye vegen opp på Hillestadheia. Her er det turstiar og preparerte skiløyper.

Rukanfossen er eit populært utfartsområdet. Du må køyre 11 km til fylkesvegen sluttar og deretter gå ein time langs Tovdalselva til du kjem til Årdalen naturreservat der fossen ligg.

Tovdal kyrkje ligg like ved galleriet. Den blei bygd i 1820 og mange kjenner til dei heftige diskusjonane som var på 1960 - talet om fargen. Nå er kyrkja kvit og det er gudstenester ca. 4 gonger i året.

I Åmli sentrum kan du gå på Elvarheim museum, som har ei flott permanent utstilling av fangstkulturen i kommunen.

Ein tur på Trogefjell vis a vis museet er også vel verdt eit besøk for den som vil gå litt. Kjempeflott utsikt. I Åmli er det kafe/restaurang, Åmfoss kafe i sentrum og PanGarden, litt sør for sentrum, med flott tømmerfløtingsanlegg for barn.